Эрүүл мэндийн сайд С.Чинзориг: Манай эмнэлгүүдийн орны хүрэлцээ дэлхийн дунджаас дөрөв дахин их

С.Бадарч
2023/03/24

УИХ-ын чуулганы үдээс хойших хуралдаанаар Хувийн хэвшлийн болон орон нутгийн эмнэлгийн байгууллагуудад тулгамдаж буй асуудлыг хэлэлцэж байна. 

Үүнтэй холбогдуулан УИХ-ын гишүүн Д.Ганбат холбогдох мэргэжилтнүүдээс асуулт асуулаа. 

-ЭХЭМҮТ-д хандаж байгаа хүүхдүүдийн байдал хэцүү болсон. Ихэнх нь эмнэлгийнхээ коридорт хэвтэн эмчлүүлдэг. Үүнийг яаж зохицуулах ёстой юм бэ? 

УИХ-ын гишүүн, Эрүүл мэндийн сайд С.Чинзориг: Эмнэлгийн орны хүрэлцээний асуудлыг хөндөж байна. Манай улс жилийн дөрвөн улиралтай учир улирлын шинж чанартай томуу, томуу төст өвчлөл дэгдэхээр ор хүрэлцэхгүй асуудал гардаг.

Сайд болсныхоо дараа энэ асуудалд тохируулга хийх тушаал гаргасан. Ямар ч гэсэн энэ өвөл улирлын томуу, томуу төст өвчний оргил үеэр ор хүрэлцэхгүй асуудал гайгүй болсон юм. 

Ер нь бол манай улсад орны дутагдлаас болоод ийм асуудал гарсан зүйл байхгүй. Тухайлбал, манай улсын эмнэлгийн байгууллагын орны хүрэлцээ дэлхийн дунджаас дөрөв, өндөр хөгжилтэй улс орныхоос хоёр дахин их гэсэн судалгаа гарсан. 



Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна