УИХ-ын гишүүн Г.Дамдинням: Сургалтын зээл авсан, одоо өргүй

С.Бадарч
2023/03/23

БШУ-ны сайд Л.Энх-Амгалан өчигдөр Боловсролын зээлийн сангаас зээл авсан хүмүүсийн мэдээллийг ил болгосон.

Тус мэдээллийн жагсаалтад байгаа хүмүүсийн нэрсийн дотор УИХ-ын гишүүн Г.Дамдинням багтсан байсан юм. Тэр Канадын Бритишийн Колумбиа их сургуульд уул уурхайн нийгмийн хариуцлага мэргэжлээр суралцан Боловсролын зээлийн сангаас 32 мянган ам долларын зээл авчээ. 

Харин хэвлэл мэдээллийн хэрэгслүүдээр түүнийг зээлээ төлөөгүй мэтээр мэдээлсний хариуд Г.Дамдинням гишүүн өөрийн цахим хуудсаараа дамжуулан тайлбар өгчээ. Тэр,

-Одоо ч үргэлжилж байгаа энэ хөтөлбөрт 2015 онд үйлчилж байсан хууль, журмын дагуу өрсөлдөөд шалгуур хангаж сургалтын зээл авсан. Гэрээгээр хүлээсэн үүргээ биелүүлээд дууссан. Одоо ямар ч өргүй. Энэ хөтөлбөр олон монгол залуучуудыг өндөр боловсролтой болж ажил амьдралаа авч явахад дэм тус болсон сайн хөтөлбөр гэжээ.


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна