Дарханд бүсийн хэмжээний шинэ эмнэлэг баригдана

С.Бадарч

2023/03/17

Засгийн газраас баримталж буй "Шинэ сэргэлтийн бодлого"-ын хүрээнд "Хөдөөгийн сэргэлт"-ийг бодитоор хэрэгжүүлэхэд орон нутаг дахь эрүүл мэнд, боловсролын салбарын чанар, хүртээмжийг сайжруулах нь чухал.

Энэ хүрээнд Дархан-Уул аймагт бүсийн хэмжээний томоохон шинэ эмнэлгийг бүтээн байгуулах төслийг санаачилжээ. Европын Сэргээн босголт, Хөгжлийн банк санхүүжилтийг нь шийдвэрлэх юм байна.

Өнөөдөр тус банкны албан ёсны төлөөлөгч нар Дархан-Уул аймгийн Нэгдсэн эмнэлгийн өнөөгийн нөхцөл байдал болон шинэ эмнэлгийн барилга барих газартай танилцжээ. Шинэ эмнэлгийг тус аймгийн Дархан сумын 13 дугаар багийн нутаг дэвсгэр дэх таван га газарт орчин үеийн стандартад нийцүүлэн барихаар юм.

5 хүн, сууж буй хүмүүс, зогсож буй хүмүүс ба гадаа нарын зураг байж магад

Дархан-Уул аймаг нийт 107 мянган хүн амтай. "Шинэ сэргэлтийн бодлого"-ын хүрээнд Улаанбаатар хот болон бусад орон нутгаас шилжин суурьшигчдыг хүлээн авч, ойрын 1,5 жилд хүн амаа 20 хувиар өсгөхөөр төлөвлөжээ.

Тиймээс өсөн нэмэгдэх хүн амд үзүүлэх эрүүл мэндийн тусламж үйлчилгээ хамгийн чухал.

Эх сурвалж: Сангийн яам

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ

Бага тэнгэрийн замд Портер Бензтэй мөргөлджээ

2 цаг