Дөрөвдүгээр сарын 06-ны өдөр гэхэд хууль зөрчин томилогдсон албан тушаалтнуудыг чөлөөлөх ажил эхэллээ

Авлигатай тэмцэх "5Ш" ажиллагааг ЗГХЭГ-ын дарга Д.Амарбаясгалан хариуцан ажиллах юм. 

Тэр холбогдох хууль тогтоомж, шаардлагыг зөрчин томилогдсон албан тушаалтнуудыг олж тогтоон ажлаас нь чөлөөлөхийг бүх шатны даргад чиглэл болголоо. Ингэхдээ хугацааг дөрөвдүгээр сарын 06-ны өдрөөр тогтоожээ.

Тухайлбал,

• Төрийн албаны тухай хуульд тавигдсан шаардлагыг хангаагүй,
• Ерөнхий болон тусгай шалгалт өгөөгүй,
• ТӨК, улсын үйлдвэрийн газрын журам дагуу томилогдоогүй,
• Төрийн албан хаагчийн ёс зүйн нийтлэг хэм хэмжээг удаа дараалан зөрчсөн
• Авлига, албан тушаалын гэмт хэрэгт ял шийтгүүлж байсан,
• АТГ-аар Хувийн ашиг сонирхлын урьдчилсан мэдүүлэг хянуулаагүй,
• Ашиг сонирхлын зөрчилтэй гэж тогтоогдсон зэрэг асуудалтай бол ажлаас нь чөлөөлөх буюу “шүүрдэнэ”.

Д.Амарбаясгалан:

-Шүүр ажиллагаагаар төрийн албанд хэвшмэл мэт болсон, бугшсан албан тушаалтнуудыг шүүрдэн цэвэрлэж, хууль журам дагуу шаардлага хангасан албан хаагчидтай, ёс зүйтэй, авлига, хүнд сурталгүй төрийг бий болгоно гэжээ.