С.Эрдэнийн гэх тодотоголтой АН-ын даргад нэр дэвшигч нар үнэмлэхээ гардан авлаа

Өчигдөр С.Эрдэнийн гэх тодотголтой АН-ын даргын сунгаанд нийт долоон нэр дэвшигч бүртгүүлсэнээ зарлаж байсан.

Өнөөдөр тэдэнд АН-ын дарга С.Эрдэнэ, болон ДоСХ-ны удирдлагууд үнэмлэхийг нь гардуулан өглөө. Ардчилсан намын даргыг сонгох сунгаанд:

1. УИХ-ын гишүүн, УИХ дахь АН-ын бүлгийн дарга, АН-ын ҮБХ-ны дарга Д.Ганбат

2. Ардчилсан намын Үндэсний Бодлогын Хорооны гишүүн Т.Энхсайхан

3. Ардчилсан намын ҮБХ-ны Ёс зүй сахилга хариуцлагын бодлогын хорооны дарга Д.Ганбаяр

4. Ардчилсан намын Ерөнхий нарийн бичгийн дарга Д.Эрдэнэсувд

5. Баянгол дүүргийн Ардчилсан намын дарга, АЗХ-ны тэргүүн, БГД-ийн ИТХ-ны төлөөлөгч Н.Болдбаатар

6. Чингэлтэй дүүргийн Ардчилсан намын дарга, ЧД-ийн ИТХ-ын төлөөлөгч Ж.Сугарсүрэн

7. Ардчилсан намын ҮБХ-ны гишүүн Л.Гүндалай нар ийнхүү оролцохоор боллоо.  

Энэ удаагийн сунгааг цахим хэлбэрээр авч, 150 гаруй мянган гишүүд шууд хэлбэрээр саналаа өгөх гэнэ. Намын даргыг сонгох сунгааны сурталчилгаа нь өнөөдөр албан ёсоор эхэлж байгаа аж.