2026 оны төсвийг УИХ-ын Төсвийн байнгын хорооноос ажлын хэсэг байгуулан ажилласан. Өчигдрөөс Төсвийн байнгын хороогоор хэлэлцэж өнөөдөр УИХ-ын чуулганаар хэлэлцэнэ гэж хүлээсэн. Харамсалтай нь өнөөдөр УИХ-ын гишүүд энэ төсвийг авилгажсан, хээл хахуулжсан төсөл учир хэлэлцэх боломжгүй хэмээн эсэргүүцэж байна. Үүнтэй хобогдуулан УИХ дахь МАН-ын бүлэг завсарлага аван хуралдаж байна.
УИХ-ын гишүүдийн шүүмж болон төсөвт тусгагдсан хөрөнгө оруулалтуудыг фокуславал:
УИХ-ын гишүүн Ө.Шижир, Д.Баасанжаргал нарын шүүмжилснээр төсөвт тусгаан 175 төсөл, арга хэмжээний 331,832.2 тэрбум төгрөгийг хассан бууруулсан гэх боловч 111 арга хэмжээнд 363,904.4 тэрбум төгрөг зарцуулахаар төсвийг нь харин ч нэмж оруулж иржээ.
28 сургууль, зургаан дотуур байр, зургаан их дээд сургуулийн хөрөнгө оруулалт болох 33,5 тэрбум төгрөгийг хассан атлаа баруун болон төвийн бүсийн Бүсчилсэн хөгжлийг дэмжих төсөл, арга хэмжээ, Ховд аймгийн Зэрэг сумын Бизнес инкубатор, Ховд аймгийн төвийн авто зам, Баянхонгор-Архангай, Чулуут сум хүртэлх авто зам, Их тамираас Тайхар чулуу хүртэлх 3,2км зам, Сүхбаатар аймгийн Баруун-Урт суманд аудитын барилга худалдан авах гэх мэт 111 арга хэмжээний санхүүжилтийг нэмэхээр болжээ.
Ер нь бол Засгийн газар болон Ажлын хэсгийнхэн 2026 оны төсвийг хассан мэт боловч түүнээсээ хэдэн арван тэрбум төгрөгийг дахин нэмж оруулж иржээ
