АН-ын дарга асан Л.Гантөмөр намын тамгаа шинэ даргадаа гардуулан өгөхдөө”Эрх баригч МАН-аас өндөр рейтингтэй намаа хүлээлгэн өглөө” хэмээн хэлсэн нь сүүлийн хэдэн жилд сонсогдоогүй содон мэдээлэл байсан. МЕС судалгааны төвийн хийсэн судалгаагаар Л.Гантөмөр үнэхээр МАН-аас илүү рейтингтэй намаа хүлээлгэн өгчээ.
МЕС парламентад суудалтай улс төрийн намуудын сүүлийн нэг жилийн үйл ажиллагааг үнэлэх судалгааг 09 дүгээр сарын 01-05 өдрүүдэд санамсаргүй түүврийн аргачлалаар хийжээ. Үүгээр 2024 оны есдүгээр сард 5,5 үнэлгээтэй байсан МАН-ын рейтинг байсан 2025 оны зургадугаар сард 3,9 болтлоо огцом унасан бол АН-ынх 4,1 болж МАН-аас илүү гарчээ. Үүнийг улс төрийн болон нийгмийн нөхцөл байдалтай нь холбон үзвэл хамтарсан Засгийн газар тарж, МАН Ерөнхий сайд болон намынхаа ЕНБД-ыг өөрчилснөөр рейтинг нь унах шалтгаан болсон гэж үзэж болохоор байна. Цаг хугацааны хувьд эргэн сануулбал 2025 оны зургадугаар сарын 12-нд Г.Занданшатар Монгол Улсын Ерөнхий сайдаар томилогдсон бөгөөд Я.Содбаатар 2025 оны долдугаар сарын 05-ны өдөр МАН-ын Бага хурлаар Ерөнхий нарийн бичгийн даргаар сонгогдож байжээ.
Үүнээс хойш өнөөдрийг хүртэл МАН-ын рейтинг өсөөгүй 3.7-3.9 үнэлгээтэй АН-ынхаас илүү гарч чадаагүйг доорх хүснэгтээс харж болохоор байна.
Сэтгэгдэл (2)